無綫36E新咪神陳婉衡昨晚與崔碧珈宣傳電影時上演一場「胸戰」，以啤酒妹打扮亮相的陳婉衡騷四吋「事業線」，技術性擊倒崔碧珈。

崔碧珈微微俯身谷線，以反擊陳婉衡。

陳婉衡晒胸又騷腰，真係想輸都難！

岑日珈（右二）收拾心情出席活動，與莊思敏（右一）落力宣傳。

陳婉衡、崔碧珈、岑日珈及莊思敏前晚以啤酒妹造型宣傳電影《PG戀愛指引》，兩位「咪神」陳婉衡與崔碧珈以性感打扮示人，正面交鋒比併「事業線」。新咪神陳婉衡拋出四吋「事業線」，風頭力壓崔碧珈的三吋「胸」湧波濤。

練腹肌轉移視線

問到「胸戰」技術性擊倒崔碧珈？陳婉衡說：「唔係，件衫係配合宣傳訂造，試嗰陣條腰好多肉有啲肥，之前拍劇練鋼管舞減咗，練到少少腹肌，希望練成馬甲線，大家會將個焦點移落少少。」電影首映稍後舉行，問她會否真空上陣？陳婉衡說：「考慮緊。」問到那麼搶鏡可擔心其他女仔妒忌？她說：「唔會，最開心係成班女仔都好Friend。」而崔碧珈亦不認輸：「係咩？唔係咁睇！呢套衫睇唔夠，戲入面仲激。（下次宣傳活動時以性感反擊？）唔鍾意比較，各有各靚，件衫已經好性感，如果唔係下次要着泳衣。」

岑日珈爸爸出院

岑日珈的爸爸近日因心臟病發入院，心跳一度停頓，情況危急，她趕到醫院時嚇得淚流滿面。她前晚受訪時透露爸爸心律不正，現已出院：「爸爸一向有心臟病，醫生叫佢裝心臟起搏器，但佢覺得自己好強壯，一直唔做手術。去到醫院我都嚇親，爸爸面都青晒，以為佢唔得，不過佢已經出院，會去私家醫院排期做身體檢查。」另外，岑日珈子宮內長了一個巨瘤，她表示下月初會做手術：「醫生話個瘤屬於不良腫瘤，但未去到惡性，都擔心做完手術有後遺症。（擔心影響生育？）醫生話我要停食依家隻藥，一年後先可以生BB，但我暫時冇咁嘅需要。」

採訪：影視組