太陽娛樂昨晚筵開八十多席舉行春茗，旗下藝人薛凱琪（Fiona）、鄧麗欣（Stephy）、方力申、許志安、劉浩龍及Janice Man等傾巢而出外，陳百祥、周麗淇、莊思敏、梁漢文和林盛斌等亦有到場，莊思敏以露背透視連身裙中門大開搶盡風頭，而穿上連身褲的Stephy為配合埃及主題，特別戴金屬手鈪、金色頸鏈襯金色鞋「埃及Look」示人，姍姍來遲的一姐Fiona以金裙齊蔭「埃及妖后」亮相，身為老闆的周焯華與電影人于冬一齊坐。

莊思敏露背兼中門大開，非常吸睛。

Fiona以「埃及妖后」造型現身，搶盡風頭。

穿上黑色西裝的周焯華，與電影人于冬齊坐主家席。

Stephy與小方齊齊赴會。

小方受訪被問父親病情？他說：「切咗唔應該多嘅嘢，手術成功。（腫瘤？）唔講咁多。（會陪佢多啲？）一向都成日陪佢。」問到Stephy是否擔心未來老爺健康？她說：「有擔心，亦提醒我要帶媽咪去做身體檢查，因為佢幾年冇做。」對於好姊妹楊愛瑾被傳派喜帖，她說：「係咩？冇收到。（姊妹唔使收帖？）佢都唔喺香港搞。」劉浩龍否認早前陪到拉斯維加斯登台的女友容祖兒坐直升機，並透露與朋友到洛杉磯玩樂，更在當地超市巧遇萬人迷碧咸一家，並展示與偶像碧咸合照，還大方表示情人節有與女友食飯及送禮物。