岑日珈（Angie）昨凌晨一時飛奔到急症室探望因心肌梗塞一度停止呼吸暈倒家中的父親，見她焦急衝到病床攬實吸住氧氣的父親，淚如雨下一度失控，其母見狀即拉開她行埋一邊安撫。Angie昨日受訪時透露父親將轉往私家醫院：「爸爸之前做身體檢查，醫生話佢心肌梗塞，叫佢喺心臟裝個儀器，但爸爸堅持唔做，希望今次游說到佢做啦！」她表示首次經歷父親送院，令她相當徬徨：「聽到爸爸坐白車送院時已經喊咗出嚟，好擔心同怕佢有事。（爸爸生果檔要休業？）休息一輪先，健康比生意重要，為咗醫藥費要努力賺錢。」

岑日珈衝到病床攬實父親，更一度失控痛哭。