「最強冧功」氹掂老婆 詩詩雪地陪開工

甄子丹與老婆汪詩詩結婚13年一直超級恩愛，早前兩人接受《好報》專訪，子丹出盡口術，希望太太可陪他出埠開工，又發表「冇詩詩瞓唔着」冧到震的愛的宣言，最終詩詩抵不住「最強冧功」，亦因助手Ivy放農曆新年假，於是她近日隨子丹到多倫多拍攝荷里活動作猛片《3X反恐暴族3》，更不介意做跟得夫人到雪地拍攝現場陪伴，問到是否要貼身照顧老公？她說：「當然想盡力無微不至啲啦！仲煮咗嘢畀佢食，不過劇組好好，拍攝地方同啲車入面都有足夠暖氣，唔擔心佢會凍親。」另外，據知荷里活劇組向來開工時數有規律，確保演員有足夠時間休息，餐車亦全日開放，提供熱辣辣飲品，放飯時間更有牛扒等肉類提供，令演員更有力量應付高難度動作。