張秀文昨日現身商場的新春活動，期間與魔術師玩轉碟雜耍，惟過程相當論盡，不時把碟飛落地的她傻笑遮醜，場面惹笑！穿Tube Dress上陣的她收起事業線，被嘲性感欠奉，她即反駁：「係我養到你哋咁重口味！天氣太凍真係唔得，鼻水都差啲流出嚟！」

張秀文跟魔術師即場玩轉碟雜耍，全程雞手鴨腳，笑料百出！

被喻為「新一代咪神」的她，不諱言身上還有其他東西值得大家欣賞，又指不一定少布才是美：「性感都可以曲線啲。（成日要保持弗爆身形？）我都OK，唔容易肥同縮水，但要帶驚喜畀大家就頭痛，成日上網搵衫，要吸收咩Style啱自己，遲啲我真係要去潮流界發展喇！」