高海寧（高Ling）在網上留言自爆昨日駕車往辦理護照時不幸被旅遊巴撞到，並稱對方不顧而去。肖虎的她大呻因沖太歲相當黑仔，惟有當破財擋災，她憶述當時的驚險情況：「架旅遊巴Cut完中線就緊接Cut埋落我條線，好彩我煞車煞得快！車內物品都跌晒落嚟！但佢架大車『發』到我架車，當時最驚畀佢夾爆車頭！依家個人冇事，係車門嘅手柄同倒後鏡等等嚴重啲。（當時驚死？）未至於出現死亡念頭。」幸好與尾隨車輛距離甚遠，才不致於「炒埋一齊」。高Ling透露事發後即致電報警，惟車的監察儀失靈，令她無法追究：「我當時太驚見唔到對方個車牌，架車又太耐冇揸，所以個車Cam錄唔到嘢。」

高Ling在網上自爆撞車，大呻行衰運！