名模兼娛樂公司老闆諸葛紫岐（Marie）與旗下藝人黃倩婷（Cindy）昨日到中環High Tea。早前Cindy秘嫁才俊，連老闆Marie亦蒙在鼓裏，盛傳遭Marie炒魷，現場見兩人密密斟，Cindy更一度眼泛淚光，未知是否為瞞婚一事道歉。兩人離開餐廳時，Cindy坦言請老闆High Tea賠罪，並承諾會努力工作：「我係衝動咗啲，因為相士話唔過年前結婚就要隔好多年先結，最後都係心急結咗先。（講到眼濕濕？）Marie咁錫我，我好似呃咗佢咁。」Marie即笑說：「罰佢不停工作！」Marie透露Cindy成為人妻後工作有少許調動，但眼見很多藝人婚後亦相當受歡迎，故對Cindy有信心：「佢係我契妹，依家當多咗個契妹夫。」Marie追問Cindy：「你暫時唔會生BB住o架可？」Cindy即雙手掩面尷尬地說：「唔敢答，應該唔會咁快。」

Cindy（左）請Marie食Tea道歉，希望挽回老闆個心。