周秀娜擔任無綫節目嘉賓時透露情人節收到「好有心思嘅禮物」，並承認已有圈外追求者，但需時間了解，才決定會否踏前一步！而同場的洪永城和金剛異口同聲表示為另一半下廚製造驚喜，並送上小禮物，實行「物輕情義重」。

「性感達人」周秀娜今次封胸，改以一字鎖骨及長腿來搶鏡，一樣咁誘人！

（後左起）陳婉衡、洪永城、金剛、許紹雄、梁烈唯、文凱玲、周秀娜、鄭欣宜
（前左起）陳山聰、黃浩然
主持金剛、梁烈唯和許紹雄請來多位嘉賓為節目助威！

黃夏蕙（左一）亦有現身撐周秀娜等。

洪永城送旅遊書做禮物，等詩詠去旅行都諗住佢！

由金剛、梁烈唯和許紹雄主持的節目《男人食堂》前晚錄影，邀得周秀娜、洪永城及鄭欣宜等擔任嘉賓。節目講到讓男士最有遐想的職業，周秀娜認為做機械人最有遐想：「機械人可以任由你操縱，同埋佢只係服侍一個人，可以滿足對方嘅控制欲。（情人節Dry爆？）唔會，同女仔朋友食飯飲咗好多湯水。（追求者送禮物？）收到好多有心思嘅禮物，有一束好有特色嘅花。（有冇機會發展？）佢係圈外人，做住朋友先。（謹慎搵對象？）係（口架）！我比較慢、鈍，要時間相處，多啲了解先。」

教詩詠做主持

而有拖拍的洪永城和金剛不約而同在情人節親自下廚冧女友，洪永城大方透露為女友唐詩詠煎牛扒：「心形牛扒太肉麻，我驚佢嫌老土唔食，都係牛扒不過係正常長方形。（送咩禮物？）小禮物，詩詠之後要去德國拍旅遊節目，送咗本旅遊書畀佢。（送書意頭麻麻？）我哋咁親密，唔擔心呢啲食字嘅！（傳授主持心得﹖）有叫佢主動啲、活潑啲或者Hyper啲，觀眾會睇得開心。」

禮物仔「電」蕊蕊

而與蕊蕊感情穩定的金剛自爆送了電器作禮物：「年紀大咗，簡簡單單食餐飯就可以。（送咩禮物﹖）禮輕情義重，細細哋嘅禮物。（戒指？）唔係，可以攞出街用嘅電器用品。」談到節目中討論最令男人有遐想的職業，金剛笑說：「冇咩職業可以令我有遐想，想要咩職業，出去買件制服就得，我又冇呢方面特別嘅興趣，咪又係衫，講到尾最後都係要除！哈哈！」

文：影視組