麥當娜今明兩天首度在港開騷,吸引圈中人包括徐濠縈、梁漢文、黃耀明、蔡一傑、薛家燕及王梓軒等捧場,徐濠縈昨日接受電話訪問時說:「雖然我唔係麥當娜頭號粉絲,但朋友話佢嘅演唱會係『一生人要睇一次』,所以我會同朋友拉大隊睇18號嗰場!」梁漢文同樣是首次欣賞麥當娜現場騷,他說:「佢係我兒時偶像,太太都鍾意佢,所以會一齊去。我當然期待佢個騷,佢喺台上咁有爆炸力,梗係要睇!」

梁漢文約埋老婆睇騷,親眼見識麥當娜的爆炸力!

徐濠縈拉大隊捧場,仲話睇麥當娜開騷係一生人一次!

黃耀明

薛家燕(中)

王梓軒

而黃耀明受訪時指對他來說,麥當娜並非單是華衣美服、歌精舞勁如此簡單,最令他欣賞的是其天后級內涵!他激讚偶像長期保持最佳狀態,有心有力外,還有一顆叛逆的心靈,而薛家燕1996年已愛上麥當娜,她大讚:「麥當娜風格獨特,夠狂野夠性感,佢咁嘅年紀仲可以喺舞台咁勁,真係好難得!」王梓軒則覺得這位超級天后在創作及體力方面都保持巔峰狀態,令任何事都變得相當有型!