黎耀祥出席活動時一臉愁容，原來是被股市拖累，搞到損手爛腳！他自爆帳面唔見3成，蒸發足足達7位數字！而為電台效力多年的DJ啤梨（葉文輝）大讚前新城知訊台台長朱明銳是好前輩。文：音樂組　攝：李柏儒

鄭俊弘、祥仔及吳若希等齊齊向聽眾拜年，喜氣洋洋！

祥仔受股市拖累帳面唔見百萬，陰功咯！

祥仔與馬健生（中）為醒獅點睛。

黎耀祥、鄭俊弘（Fred）、鄭欣宜（Joyce）、DJ啤梨（葉文輝）、吳若希及胡鴻鈞等，昨日出席團拜，與新城廣播有限公司董事總經理馬健生齊齊拜年，並向現場觀眾介紹電台改革後的新節目。

長揸實力股等反彈

祥仔透露將與太太到美國旅行：「依家每年都會去一次旅行，鍾意去日本，冬天去可以浸溫泉。」不過，提到股市最近大跌，祥仔即緊皺眉頭兼「唉唉聲」，自爆損手爛腳：「好彩買開穩陣啲嘅，國際嗰種，跌咗都可以長擺。」他又肉赤地表示帳面唔見3成：「7位數字咁上下，所以今年要努力啲！」

至於Joyce自爆情人節遇到「夢中情人」，可惜因欠缺勇氣而錯失良緣，並透露年廿九與爸爸鄭少秋食團年飯，期間大玩魚蝦蟹：「贏咗少少，係咁買蟹同葫蘆，葫蘆似我身形。」而Fred被問到有傳已入紙紅館開騷，他笑說：「我都未聽過，睇到報道先知。（向老闆求證？）有問佢，佢都買咗本嚟睇。」

啤梨Send短訊拜年

此外，啤梨提到今年少了同事團拜，有點不習慣，但仍有關心前新城知訊台台長朱明銳的近況：「有Send Message同佢講『新年快樂』，佢係好Take Care我嘅前輩！」他又透露有新節目後，公司再沒裁員消息，而公司亦為他接了不少新的MC工作。