洪卓立（Ken）、湯怡、泳兒、張致恒、鍾舒漫及羅力威等一行十一人昨日到《東華慈善嘉年華》挑戰膽量，他們先玩「雙層旋轉木馬」及「鞦韆樹」等機動遊戲熱身，當中陳凱彤（Lillian）、陳家樂和洪杰膽識過人，挑戰刺激度爆燈的「極速空降」及「陀飛輪」。反觀拍住拖來的Ken和湯怡則自嘲人愈大膽愈細，湯怡笑說：「啱啱拍拖時仲細，跳樓機可以玩完又玩，依家個膽細咗！」

陳家樂叫齊洪卓立、湯怡及泳兒等到《東華慈善嘉年華》挑戰。

陳凱彤和陳家樂坐上「陀飛輪」轉個大運！

情人節冇驚喜

提到剛過去的情人節，Ken表示原本想給女友製造驚喜可惜失敗，湯怡笑說：「因為年廿八我大掃除嗰陣喺櫃入面見到一樣未見過嘅嘢，我估係禮物，但我都扮唔知。」Ken後來透露是一朵不會凋謝的玫瑰花。

另外，單身的鍾舒漫（Sherman）表示情人節與父親齊齊整蛋糕，不覺Lonely，雖期待新戀情，但不會着急。而泳兒則透露在醫院陪母親過新年：「新年有三日去咗醫院陪媽咪，同佢傾偈等佢知過緊年。」此外，羅力威被問到女友雨僑可有到家中拜年？他避而不答：「我有去好多親戚朋友屋企拜年，仲發咗少少新年財。」