前港姐冠軍陳凱琳（Grace）、麥明詩及龐卓欣昨日到尖沙咀出席《浪琴表香港馬術大師賽2016》記者會，Grace透露與男友鄭嘉穎首個情人節一起下廚炮製意粉、煎帶子煙肉，雖然沒禮物及鮮花，但已夠開心浪漫，問煮帶子是否有寓意？她笑說：「哈哈！下次我唔講煮乜！（送咩禮物？）冇，我哋都覺得大家擁有太多，唔需要特登買禮物，平時去街見到啱對方先買。」

Grace表示與鄭嘉穎一起下廚炮製意粉，共度情人節。

麥明詩透露男友林作送了頸鏈給她，並認為禮物比花好。

而麥明詩被問到情人節與男友林作怎樣慶祝，她表示因家教嚴謹，周日是家庭聚會，故與家人到西九海濱長廊散步和吃晚飯，問到林作有否送禮物？她說：「佢之前送咗呢條頸鏈畀我，禮物好過花，花會枯萎，3月14日先回禮，諗緊送咩，唔想買嘢，唔係好有創意，或者焗嘢食畀佢。」