前日情人節，28歲的「晶女郎」唐紫睿（Hazel）突在社交網公開戀情！她上載與室內設計師男友Louis的合照，大晒鑽戒和心形蛋糕，並留言：「我突然好想哭……」對於被懷疑「閃婚」，Hazel昨日接受本報電話訪問時澄清只是情人節禮物，但對拍拖約兩個月的新歡Louis讚不絕口。

Hazel甜爆表示男友除送了一對珍珠耳環、半卡碎鑽戒指給她外，還花心思Book了「叮叮」車 ，車上掛上兩人的甜蜜照片。問到收到鑽戒一刻有否誤以為求婚，Hazel笑說：「一見到電車就嚇呆咗，嗰刻好想喊，但我忍住，其實嗰下知佢心意，但大家未係時候。（有冇結婚打算？）同佢好夾，我都有諗，但依家熱戀期，我都唔知，慢慢再睇吓啦！（唔介意閃婚？）依家未係時候，事業啱啱先起步，但唔覺得閃婚係大問題。」