周秀娜$8,880碰運氣 黃美棋開戲捧自己

下月1日的六合彩1億金多寶，不少圈中人都打算投注碰運氣，周秀娜說：「嘩！有1億咁多，我一定要湊吓熱鬧，會預8,880蚊買晒電腦飛，再畫多兩張心水飛博一博，買嗰日會着到紅噹噹，再Check埋猴年財位，睇吓邊間投注站有利。如果我真係中1億咁多，一定會捐一半做善事，剩番嗰啲會投資，搞一啲新生意，我想開一間Speed Dating公司！」她的心水號碼是5及22。而「宅男女神」黃美棋指會買一張電腦飛和親自畫6個號碼，心水號碼是3及28，若中頭獎會拿出部分做慈善，其餘則分給父母和置業：「中咗梗係安居樂業啦！然後開套戲畀自己拍，搵我鍾意嘅演員合作。（即男友鍾健威？）咁要叫佢中一億開戲搵我拍喎！」至於高海寧會拿一半於山區建校，或助養非洲兒童，另一半則買樓或去旅行，其心水號碼是9及36。張秀文則認為「力不到不為財」，稱會落足誠意去投注站排隊買飛，心水號碼是9及26，又笑稱會先將1億入落戶口，再買樓投資，將1億愈變愈大。麥明詩亦自言若中1億會在港買獨立屋，心水號碼是13及14。至於「中獎達人」梁思浩透露與苑瓊丹、陳彥行每人夾120元投注，又提大家入投注站前可先向天承諾中獎的話，會捐出部分獎金行善，而其心水號碼是8及23。