蕭定一公司昨晚舉行周年晚宴，早前鬧不和的王宗堯及莊思敏被安排同坐一席，以唐僧造型示人的王宗堯似乎降不了莊思敏的火，莊思敏繼續揚言冇需要破冰！

莊思敏（左）與雨僑扮成周星馳電影的經典角色，維妙維肖！

扮成唐僧的王宗堯下唔到莊思敏道火，二人關係繼續僵持！

張智霖拖實老婆靚靚現身，So Sweet！

欣宜Cosplay張曼玉的谷胸造型，勁Sexy！

張智霖夫婦、王宗堯、莊思敏及張建聲等昨晚出席《中國3D數碼娛樂有限公司四週年晚宴》，晚宴以周星馳角色為主題，眾星扮成周星馳電影中的經典人物，王宗堯化身唐僧、張建聲扮食神、莊思敏則扮《功夫》中的包租婆。依現場分配，張智霖夫婦與老闆蕭定一起坐，而早前鬧不和的王宗堯及莊思敏則被分配同枱。

張智霖六位數抽獎

問到會否要求調位，王宗堯表示不會：「唔使調！如果調咪要調公司囉！（同莊思敏和好？）今日我係唐僧，我本性善良。（斟茶？）上契呀？（畀佢下火？）唔使啦！（合照？）睇吓佢準備好未，我OK！我頂帽高，頂得住。」而在旁聲稱做和事老的張建聲被問到不和是否宣傳時，王宗堯即說：「咁套戲上映時咪要鬧多次？」而莊思敏被問到與王宗堯同枱，她說：「係咩？冇乜感覺。（傾偈？）唔傾啦！點解要傾？（佢話見面會講阿彌陀佛！Enjoy Enjoy！）黐線！（合照？）唔會啦！」又指上次事件很嬲。問到不是已放低？她說：「放低係一件事，但冇需要破冰。（張建聲話做和事老！）叫佢咪多事，今日扮食神，連鑊剷都唔記得帶！」

而張智霖則與太太袁詠儀恩愛到場，打算攞六位數字出來抽獎的他笑言自己攞幾多，老闆蕭定一就要攞雙份。

欣宜谷胸扮張曼玉

至於欣宜全場最性感，扮《家有囍事》中張曼玉的谷胸造型，胸前更有「雪糕筒」，她坦言有信心奪「造型獎」。此外，場內亦舉行了與模特兒公司 Stars People合併的簽約儀式。

文：影視組