周麗淇（Niki）昨日以代言人身份出席Just Gold鎮金店新店開幕活動，大會還安排了一位法國型男向她跪地送上價值500萬港元的6卡鑽戒，問到是否有男士送戒指給她就嫁得，她說：「唔係話收隻戒指就要嫁，戒指應該係要有，不過都係誠意緊要，粒鑽石大粒細粒冇所謂，鍾意個人就得，唔係鍾意隻戒指。」去年回復單身的她不心急拍拖結婚，今年情人節應該會與家人度過。問到是否冇男仔約，她說：「呢(口的)時間約會有(口的)尷尬，如果係有意思先約，冇(口既)話我會拒絕，唔好令人誤會。」又透露小情人（家姐周汶錡兒子）已舉家飛返法國。問到是否想似家姐般識個法國男友，她說：「如果真係鍾意，咩國籍都冇所謂，溝通到就得，黑色皮膚都OK。（嫁去非洲都得？）都唔錯，非洲好靚！」

Niki認為戒指鑽石大細唔重要，最重要係遇上Mr. Right。