張栢芝雖然是兩子之母，但Keep住做運動，身材如昔。前晚她為湖南衞視小年夜春晚任表演嘉賓，完美Cosplay《魔雪奇緣》卡通人物Elsa，只見她戴起白色假髮，穿上藍色裙表演溜冰，受到不少網友激讚。

栢芝果然「食過夜粥」，溜冰技術不俗，做出高速旋轉、飛躍等多個高難度動作，就算給男Dancer拋起亂揈，也能完美完成，因為動作大而露出事業線，為了春晚搏到盡。表演後栢芝說：「依家我都30幾歲做人媽咪，啲動作真係幾難，我呢個年紀做真係骨頭都碎埋，而且現場唔係真雪溜冰場，動作會有偏差！」同場還有田亮一家三口及韓國女星IU等。