黎耀祥與胡定欣演出的劇集《公公出宮》安排在大年初二播放，收視難免受影響。祥仔笑言目標只定在20點收視，若低於20點，他會「引咎辭職」一日。

胡定欣孭起拿着絲巾的黎耀祥，充滿男子氣概。

蕭正楠（左起）、黎耀祥和曹永廉齊齊擺出嬌媚甫士扮女人。

一眾女藝員胡定欣（左起）、林夏薇和唐詩詠等擺出各種搞笑甫士，引來笑聲不絕。

無綫劇集《公公出宮》昨日舉行宣傳活動，「公公」黎耀祥、蕭正楠和曹永廉齊齊擺出嬌媚甫士，相反胡定欣卻孭起黎耀祥，充滿男子氣概，場面搞笑。

胡定欣慣被催婚

《公》劇將安排在新年檔出街，收視難免受市民外遊影響，祥仔笑說：「唔理喇！睇就睇，唔睇就唔睇啦！不過今年經濟唔掂，多人留喺香港過年，可能收視破紀錄呢！如果收視低過20點，我引咎辭職，提出解約，不過，一日咁多，哈哈！」

胡定欣也撐祥仔笑說：「咁咪好囉！20點可以好快慶功，如果真係低過20點，我哋齊齊辭職。其實對套劇有信心，大家拍得好開心，套劇搞笑啱晒新年睇。」問她到男友家拜年可擔心被催婚？她說：「平時都催啦！唔會嘅。」

蕭正楠搞笑賀年

蕭正楠則認為劇情搞笑，適合新年播放，對收視有信心。將到黃翠如家中拜年的他表示不擔心被催婚，認為親友知道他事業為重。問到其家人是否當翠如是新抱仔？他笑說：「反而曾勵珍當咗翠如係，有次食飯，佢叫我打包啲食物畀翠如食。」

文：影視組