何佩瑜（Jeana）和何浩文（Dominic）昨日現身花市，提到農曆新年將至，Jeana透露會返北京十多日，與家人逗利是及食餃子。而Dominic則笑稱不收爐，會於年初一前往澳門工作，11日又會遠赴美國拍MV：「希望下年都唔收爐，繼續做。」

Dominic主動提議買桃花送畀冇拖拍的Jeana，果然夠老友！

問到新年願望，Jeana說：「希望接多啲電影。」當問到是否恨桃花時，Dominic即搶答：「佢冇啦！我一陣買棵桃花送畀佢。（介紹男仔畀佢識？）我啲Friend唔啱佢。」Jeana即表示完全冇諗過，又自爆日前與朋友帶來的狗同眠，第二晚雙腳觸碰到幾粒乾硬物體，後來才發現是小狗在床上遺留的「黃金」，她笑說：「今年應該黃金滿地。」