鍾采羲玩鴿子式瑜伽雪恥

最強娛樂資訊App《東網巨星》推出全新節目《東網Baby大作戰》，每集邀請不同藝人接受挑戰，集娛樂與刺激於一身。今集由「E Cup Iris」鍾采羲接受柔軟度測試，性格貪玩的她，近期積極做運動減肥，成功揈甩約十磅，由「肥妹仔」蛻變弗爆索女！改玩健康的Iris除游水、跑步、健身外，早前偷偷苦練瑜伽，並不忘認叻：「睇我幾有運動細胞！」

慘叫嗌救命

貪靚的Iris甫到健身室，即細心挑選瑜伽衫，最終換上綠色低胸小背心，騷四吋事業線。她表示平日有上堂學瑜伽，更率先示範四個基本動作，包括「腰轉動式」、「三角式」、「眼鏡蛇式」和「臥英雄式」，做得有板有眼：「呢啲好簡單嘅動作，簡直Easy Job啦！」

《東網》又怎會讓她輕易過關，要求將難度升級，分別做出「開腿式」、「弓式」和「站立拉弓式」，測試Iris的柔軟度。不出大家所料，程度只屬「BB班」的她立即見底，不但玩到一仆一碌，更連環慘叫嗌「救命」，場面爆笑！最後Iris以難度超高的「鴿子式」一雪前恥，她說：「啲動作望落好容易，但做落唔係咁簡單，做到我出晒汗、好攰，做完後Feel到啲筋鬆咗，個人舒服咗，啲肌肉都實咗。對女仔嚟講，做瑜伽係好好嘅運動。」

Iris並建議女生可一周做一、兩次瑜伽，皆因對收緊肌肉有幫助，又叮囑大家要在專人指導下練習：「要小心啲，始終有啲位好容易拉傷、扭傷。」

文：黎寶倫　

攝：樊愛慈