自小是周星馳粉絲的吳千語與莊思敏等前晚搶先欣賞《家有囍事》修復版，多次收看電視重播的兩人笑言感覺大不同，千語早前更與男友林峯巧遇周星馳，獲對方請食飯！而黃百鳴透露該片原定在旗下戲院上映，未料大受歡迎，故將於30多間戲院上映。

千語巧遇周星馳，更獲對方請食飯，不過做咩唔打招呼咁怕醜？

黃百鳴及高志森與一眾演員搶先睇片。

莊思敏為咗靚，天寒地凍都袒胸露臂，服咗佢！

女星吳千語、莊思敏、譚耀文、關寶慧與電影公司老闆黃百鳴等，出席《家有囍事》修復版特別場，吳千語和莊思敏均表示自小看重播，難得可以在戲院欣賞經典作品，感覺新鮮又懷念！

生於1993年的千語，比1992年上映的《家》片還要年輕，她笑言自小是周星馳粉絲，早前與男友林峯於餐廳晚膳巧遇周星馳，千語指對方主動打招呼兼埋單：「不過我驚打擾到佢，所以就唔敢打招呼同合照。（冇介紹自己？）冇，冇表達到我嘅傾慕之情，但已經好開心！」問到會否與男友一起度歲？她說：「佢要準備演唱會，但都希望可以去佢屋企拜年，依家仲諗緊送乜賀年嘢。」又笑言仍享受拍拖階段，未Ready再進一步。

莊思敏提早換季

莊思敏以性感裝扮撐場，她笑言要快人一步換季，首度在戲院觀賞《家》片令她喜出望外：「初頭諗，都識得背未必會咁投入，點知入場後畀現場氣氛令到投入咗，原來同大家一齊笑都好震撼！不過呢個組合搵唔番，好似張國榮咁。」

黃百鳴冇票房壓力

譚耀文在修復版中為張國榮配音，對於這個安排他感到榮幸：「我出道都係扮佢，陌生咗咁多年都有啲難，黃百鳴先生想搵個把聲盡量似張國榮，所以好榮幸揀咗我。（最難係乜？）要好有活力，但嗰時我拍完《葉問3》把聲好攰。」

黃百鳴則透露事前僅安排電影於旗下戲院上映，但未料其他戲院亦對該片有興趣，故將有多達30間戲院放映。雖然上映日子比賀歲檔早一星期，但仍難免與其他賀歲猛片對撼，對此黃百鳴說：「又唔係話對撼，係畀觀眾多一個選擇。（預計票房？）我哋對票房冇壓力，都冇乜所謂。」

文：影視組