金剛、小儀、高海寧、陳智燊及曾志偉等前晚錄影無綫節目《Sunday好戲王》，問到被指Dry足五年兼患上抑鬱，更與金剛再搭上，小儀笑說：「我係同金剛翻撻……我唔係抑鬱，係躁狂呀！」金剛聞言即打趣指小儀向來對他有感覺，可惜他不是單身，提到被女撇，他說：「不可能！（如果你冇女友會唔會考慮小儀？）雖然我個人好，但唔夠佛心。我同小儀心靈上係好朋友，但身體方面做唔到好朋友囉！佢係我凍齡女神，我唔敢高攀！」他又笑說：「佢鍾意靚仔喎！如果你係彭于晏，你會唔會揀佢呀？」而剛由台灣拍戲回來的曾志偉透露電影是2017年的賀歲片，與舒淇、張孝全合作，他在新戲演大反派。

金剛笑言同小儀做唔到肉體上嘅朋友，搞到小儀O嘴！

剛從台灣拍戲回港的曾志偉自爆在片中飾演反派。

在無綫熱播劇《愛情食物鏈》中扮演情侶的陳智燊及高海寧結伴現身。