韓國性感女星李成敏（Clara）和古天樂（古仔）昨日在澳門新濠影滙拍攝電影版《使徒行者》，擁D Cup上圍的Clara身穿Deep V連身褲大晒4吋事業線，更親身上陣以「鉸剪腳」生擒兼「胸壓」對手！而遭Clara勒頸搞到斷繩的古仔笑說：「好彩我夠硬！」

身穿Deep V黑皮連身褲的Clara大晒4吋事業線，十分養眼！

古仔首次與Clara合作便遭勒頸，認真刺激！

Clara毫不錫身，連場打鬥戲份均親身上陣。飛身上枱

狼施鉸剪腳

生擒胸壓

古仔（左起）、阿佘及吳鎮宇合演的電影版《使徒行者》取景於澳門新濠影滙，三人即在其地標摩天輪前合照。

曾獲選全球百大美女第2位的韓國女星李成敏昨日偕古天樂、佘詩曼（阿佘）及吳鎮宇，在澳門新濠影滙取景拍攝電影版《使徒行者》，劇情講述古仔遭Clara伏擊。拍攝時，擁有D Cup火辣身材的Clara搏到盡，以一身Deep V黑皮Look大晒4吋事業線及玉背，其後又親自上陣拍攝動作場面。經過動作導演錢嘉樂親身示範後，Clara隨即毫不錫身地飛上圓枱，並以「鉸剪腳」生擒對手，更騎在對手的背上「胸壓」！

慶幸事前受訓

雖然這場肉搏戲由替身代勞，但古仔日前亦與Clara大打一場，他更慘遭Clara用繩勒頸。問到Clara的身手，古仔即自誇夠「硬」：「佢為打戲訓練咗兩日，我前日同佢打咗一日，講佢用鋼線勒住我條頸，最後勒到條繩都斷咗，好彩我夠硬頸！當然嗰條唔係鋼線啦！所以條繩咪斷咗囉！」而Clara則最擔心弄傷古仔的臉，又表示很喜歡拍動作片，雖然首日拍動作戲時有點吃力，但慶幸事前曾接受訓練。

飲蚊怕水防疫

由於南美受由蚊傳播的寨卡病毒肆虐，稍後前往巴西取景的古仔大感擔心，問到會否帶備蚊怕水？他笑說：「蚊怕水一定要有，嗰度係蚊竇，直情要成支蚊怕水飲啦！」對於吳鎮宇拉老虎機發了新年財，他強調從不賭錢，亦沒有賭癮，又透露農曆新年會在港度過，並休息到年初六、七才開工。

採：陳永峯澳門直擊

文：影視組