去年底誕第二胎的鍾麗淇（Margaret），昨日與名媛翁嘉穗、李月等出席活動，Margaret坦言考慮為二女Michela擺百日宴，並透露仍在餵人奶：「佢仲未戒夜奶，多數一、兩個鐘就要餵一次，我依家成個機械人咁。」問到大女Isabella錫不錫妹妹？她即冧爆說：「雖然佢未識講嘢，不過見到佢錫妹妹同攬住妹妹嘅眼神咁細心，令我感動到眼濕濕。」

鍾麗淇希望為二女Michela擺百日宴。

翁嘉穗透露15歲的大仔常與7個月大的細仔玩耍。

而翁嘉穗則透露15歲的大仔Jason常與7個月大的細仔Kaspar玩，又會講故事給弟弟聽。問到大仔有沒有拍拖？她說：「我有問，佢話冇。（你開通？）做朋友或者Close啲嘅朋友OK，認真拍可以等吓先。」問到有沒有見過Jason的女同學？她自爆有從兒子的Facebook看到：「我試過Like佢啲相，但佢唔鍾意。」而李月則透露剛從多倫多看北極光回港，當地氣溫達零下三十度，冷得眼睫毛都結冰。