「影帝」張家輝農曆新年後將要到治安麻麻的巴西為《使徒行者》電影版取景，不過卻受到老婆關詠荷冷待，對他的安全問題未有關心。而他則不擔心當地治安，笑說：「只要自己檢點，唔去夜場，去買嘢又一大班人，相信問題唔大。」

將到巴西拍外景的家輝不擔心人身安全。

家輝（左）與張繼聰（右）齊齊開工拍文戲。

電影版《使徒行者》演員張家輝與張繼聰等日前在牛頭角開工，雖然是拍攝文戲，但每次停機，家輝也着緊地看重播。

首次與阿佘合作

講到《使徒行者》將到治安麻麻的巴西拍攝外景，家輝表示年初四便出發：「希望今次去巴西可以拍到一啲香港電影好少見嘅景返嚟，都預咗要長途跋涉，同埋當地治安問題。（太太關詠荷擔心？）佢好似冇提過呢樣嘢。其實我都唔係太擔心，出去拍戲閒閒哋一百幾十人一齊，只要自己檢點，唔去夜場，去買嘢又一大班人，相信問題唔大。」

家輝今次與佘詩曼首次合作，他說：「戲裏面同阿佘對手戲唔多，本來有一場，但係落雨未拍到，同阿佘可以話第一次合作，喺無綫都未一齊拍過劇，我係老一派嚟，離開咗佢先入嚟。」家輝指與古天樂則合作無間，拍攝得有默契又順暢，又讚導演文偉鴻很有經驗，安排得很好。

張繼聰呻做「脫星」

客串演出的張繼聰則希望與家輝愈少對手戲愈好，他笑說：「好開心《陀地驅魔人》後再同張家輝合作，只係有少少對手戲，同佢少啲戲好，太多戲對住家輝我會標汗。」他又指如果家輝再做導演又用得着他，會即刻舉手報名。此外，張繼聰透露農曆新年前會拍新劇並再次騷肌：「為呢場戲又要過食烚雞、烚菜嘅日子，好似做咗脫星之後，好難洗甩脫星嘅角色咁，呢個陰影揮之不去。」

文：影視組