名模陳嘉容（Eunis）昨日與一班小朋友出席慈善瓷畫展，問到與小朋友共處，會否有生小孩的念頭？她笑說：「呢個問題好矛盾，如果乖就想，扭計就會怕，我本身唔係好熱情。（同你同輩好多Model都生咗？）每個人選擇嘅方向唔同，隨緣啦！（將來會考慮人工受孕？）如果將來有另一半，佢又想生，我身體又OK都會盡量配合，我覺得BB係上天賜的禮物，如果冇都Enjoy兩個人。（會唔會雪定卵子？）冇諗過，順其自然。」

陳嘉容不排除婚後生B，可惜暫時仍未覓得男友。

現時單身的她表示仍未遇到合適對象，問到有何擇偶條件？她不介意對象的身高、國籍及年紀，又笑指身邊朋友都為她着急代她求桃花：「成個銀包都係紅線，自己猴年都期待。（好耐冇拍拖？）係呀！有追求者，但唔係太啱。」