吳啟華、宣萱、呂晶晶及趙碩之等，昨日在澳門出席新劇《隱世者們》記者會。穿性感透視裝晒Bra Top的晶晶成功搶鏡，揮低打扮密實的趙碩之，問到在劇中可有床上戲？晶晶大賣關子，揚言不排除獻出「第一次」床戲，惟詳情要由監製定奪：「我始終未拍過。（要求加戲？）要睇吓對手係邊個，靚仔就OK啦！」

吳啟華、宣萱（左）及呂晶晶等到澳門宣傳新劇。

同場的宣萱趁同片演員陶大宇因事缺席，將他與啟華傳不和的傳聞「擺上枱」：「佢好想嚟，但怕咗你！」啟華聞言即澄清彼此合作愉快，亦不介意戲份多少。至於未能現身的大宇拍片撐宣傳，並搞笑預告與宣萱拍攝床戲時，會全力以赴，叮囑宣萱準備好，而宣萱受訪時笑稱駕輕就熟，但要先減肥作準備。採：林希孺澳門直擊