郭富城在星皓新片《西遊記之孫悟空三打白骨精》中演孫悟空，他形容是一次考驗：「化幾個鐘頭妝，只能夠拍4個鐘，我身上披嘅肌肉服穿着好麻煩，要盡量唔流汗。另一考驗係我平時唔慣畀嘢拮，但肌肉服用好似魚絲咁硬嘅線勾晒悟空啲毛，變咗好似畀五千支針拮住嚟演戲！」城城又大讚鞏俐毫無架子：「戲好又專業，親自吊威吔3、4層樓咁高，反而我飛住追打佢，我有啲驚！」

毛毛Look好舒服？「孫悟空」城城話超辛苦就真！

「沙僧」羅仲謙成身塗滿藍色顏料，一流汗就大件事！

城城（右起）、導演鄭保瑞和羅仲謙大談拍攝趣事。

羅仲謙驚流藍汗

飾演沙僧的羅仲謙亦與城城不遑多讓：「我都要着肌肉服，同阿城差唔多慘，唔可以流咁多汗，因為我成身藍色，如果流汗又要不停補顏色。以往沙僧可能比較唔顯眼，但今次重戲咗好多，成個感覺唔同晒！」