藝人趙碩之、黃日華與阮兆祥昨日出席慈善步行籌款，鑑於現場落雨兼刮風，眾人均穿上羽絨保暖。有份參演鄧特希監製新劇《隱世者們》的趙碩之，被問到戲中有否性感打扮？她笑說：「性感靠人，唔係靠件衫！（外景衫好少布？）唔使，鄧生都錫住我。」跟吳啟華有感情戲的她雖然未知有否親熱戲，卻笑言：「都可以見識吓，相信啟華都好錫得！」

穿上白色羽絨的趙碩之，談到與吳啟華有感情戲時即很興奮！

而黃日華憶述以往冬天拍古裝落水戲時笑說：「最難忘同苗僑偉喺3、4度又落住『冰雨』跳落水，導演仲要我哋潛水半分鐘先准上嚟，當時跳落水後好似冰櫃咁，一上水成身冰凍！（依家再拍仲得？）一定唔得！廿秒後我死咗喇！」