出爐「中華小姐」冠軍朱亞琳、亞軍陳舒菲、季軍欒添及友誼小姐黃嘉欣，昨日出席后冠及權杖頒贈儀式活動，朱亞琳表示前晚完成比賽後與佳麗於房間慶祝，更寫下祝福語祝大家未來成功，亦有安慰香港代表麥明詩：「大家一齊影相同交換禮物，佢係一個好女仔。（點處理后冠同權杖？）會拎返加拿大畀媽咪同婆婆睇，之後會擺喺櫃。」還有一年才大學畢業的她透露正值學校假期，稍後才開學，笑言會趁這段時間想清前路：「我未習慣香港，但有好好嘅工作條件都會睇吓Contract，睇吓啱唔啱演藝事業！（返加拿大再慶祝？）想同爺爺佢哋補祝聖誕，3月就同家人去上海探外公外婆。」

陳舒菲（左起）、朱亞琳及欒添衣衫單薄出席活動，結果凍到起雞皮。

黃嘉欣望與雙親遊覽維多利亞港及品嘗地道小食。

陳舒菲則表示賽後與其他佳麗吃朱古力慶祝兼保暖，而欒添笑言賽後攰到爆，故未有跟佳麗慶祝便返房倒頭大睡！黃嘉欣指賽後睡得相當好，將有一天空閒時間的她望與專程來港的雙親探望在港的姪仔姪女。另外，評審之一的周柏豪認為麥明詩輸在對答方面。