72歲武俠巨星王羽驚爆於泰國因急性腦出血被送院搶救，女兒王馨平（Linda）昨日透過電話代報平安，她坦承爸爸上月中腦中風入院，於數星期前醒來，目前情況愈來愈好，又透露三姊妹輪流飛往當地照顧父親，稍後會再往探望。問到是否仍臥病在床？Linda說：「爹哋仲喺泰國，依家好好多，好快返台灣。（目前頭腦清醒？講到嘢？）OK，未講到嘢，但眼仔望來望去，唔使擔心！（剛完成腦部手術，坐飛機會唔會有危險？）我哋會有專人安排，多謝關心！」

對於有傳醫療費高達200萬元，Linda未有否認：「冇辦法，要畀佢最好嘅治療！（返台後要物理治療？）再睇情況。（唔畀佢再獨自出埠？）我一向都唔鍾意佢飛嚟飛去。」