美容達人陸詩韻（Sharon）向來擁有令人羨慕的白滑肌膚，她坦言全靠徹底落妝：「我哋做嘢化得比較濃妝，就算幾晏返到屋企都一定要落清個妝，否則超傷皮膚！平時我出街只搽防曬同啞紅色唇膏就算。（接近素顏？）都係！盡量少啲化妝。」

陸詩韻自爆每周用自己代理的碳酸面膜兩至三次，以促進面部血液循環。

陸詩韻表示平日出街只搽防曬和唇膏，愛以淡妝示人。

Sharon平日最愛搜羅不同護膚品扮靚，故近年索性開設自家網店，獨家引入日本化妝品做代理，實行升呢做星級老闆娘！她自爆每星期用自己代理的碳酸面膜兩至三次，以促進面部血液循環：「普通碳酸面膜就敷極都唔乾，但呢種敷完會結成凝膠，搣出嚟之後成塊面紅粉緋緋！因為佢幫到我血液循環好咗！」

計仔多多的Sharon除了不時於社交平台拍片做生招牌試用產品外，更自爆有意推出自家設計的性感睡裙：「我會設計性感嘅喱士睡裙或套裝，主力照顧女性需要！」