吳業坤昨日現身觀塘apm出席遊戲機品牌活動，他表示最近工作較忙，但都有犧牲兩小時睡眠時間來打機，問到打機激動時可會爆粗？他笑說：「同熟朋友就會，唔會呃你哋話唔講粗口。（有女仔在場呢？）會斯文啲，偽毒吖嘛！」對於有傳龔嘉欣與張振朗才是一對，他說：「絕對唔係！大家好熟悉大家，知道唔係拍拖，佢哋唔會呃我。（張振朗撬你牆腳？）呢個係另一個範疇，龔嘉欣唔會撬我牆腳！好得意，變咗三角，想拍劇裏面發生，現實生活就唔喇！」

吳業坤被問到過往拍拖可曾因打機忽略女友，他即自言會以「大局為重」。