大受歡迎的娛樂資訊App《東網巨星》近日打造全新節目《東網Baby大作戰》，今集請來歌手岑日珈（Angie）測試人氣，Angie要在街頭完成四個任務，但最終難逃大懲罰！

經過多番嘗試，Angie終獲靚仔哥請食雪糕，Yummy！

Angie搵四眼哥哥打算「唱散」五百元紙幣，但慘食檸檬！

大作戰期間，咁啱路過的「蜥蜴仔」認出Angie。

任務失敗的Angie被罰兔仔跳38級樓梯，跳到喘晒氣！

自稱「小星星」

第一關，Angie要「唱散」手上的500元紙幣，她先向四眼哥哥「下手」，可惜遭一口拒絕：「我唔知你張五百蚊真定假。」Angie一臉無奈認輸，並在第二關使出「嗲功」，成功冧掂斯文男借電話！到第三關搵途人請食雪糕，Angie繼續使出嗲功，不過仍被西裝男拒絕，無奈的她只好向「靚仔哥」埋手，未開口已被對方認出：「你係咪藝人嚟(口架)？」Angie即謙稱：「我係小星星。」終獲對方豪爽請食雪糕！

到最後一關，Angie在鐘樓附近企足一分鐘，但僅得路過的「蜥蜴仔」曾德華及兩名男途人認出，最終任務失敗，Angie只好認命接受大懲罰兔仔跳38級樓梯！

【http://goo.gl/rHpqjH】