莊思敏昨晚出席香港貿發局舉辦的「時裝節秋冬系列2016」中舉行的彩妝活動，穿紗布花花透視高衩裙上陣，十分性感，她稱裙子不能穿打底褲或Tube：「啲花花可以遮住重要部位，安全嘅，唔大風就得。（咁性感怕唔怕更加冇男朋友？）冇咁考慮過，靚嘛！做嘢冇所謂，出街唔會咁着。」她稱曾被男友投訴條裙太短，問到有否為男友着密實啲？她說：「如果私底下對方唔鍾意，我會願意着得密實啲，但做嘢唔應該干涉，工作上唔會為另一半着密實啲，做嘢最緊要靚，性感我會接受。」

莊思敏的花花透視高衩裙，春光危危乎！

傅嘉莉（左）與楊淇為活動行騷。

蘇麗珊揚言與游學修感情不變 。

傅嘉莉否認冧富豪

同場的傅嘉莉早前被爆跟已婚富豪歐遊後，她首次出席公開活動解畫，否認對方追求，兩人只是朋友：「上次係一大班人去，我有飲醉，嗰次玩過咗火，引起誤會，自己會留意多啲。因為真係好大誤會，唔希望影響任何人，我依家冇拍拖，未想停落嚟拍拖住。」她揚言工作多年，可應付自己的生活。而「宅男女神」蘇麗珊早前被《好報》獨家爆出劈腿，問到事件有否影響與游學修的感情？她說：「冇！佢反而主動同我講信我，我哋覺得一齊咗半年，唔想估嚟估去。」