一直有傳周星馳今後「只導不演」，對於傳聞他終於開腔否認，強調只要遇到好角色便會去演。他表示在執導新片中原設計了一個角色給自己，但最終被羅志祥（小豬）奪走了！

周星馳（左）大爆被羅志祥搶去「八爪魚」一角的內幕！

林允大讚周星馳是一位好導演，認真識講嘢！

周星馳繼八年前的《長江7號》後終於有新作《美人魚》面世！早前有傳他以後「只導不演」，他說：「原本《美》片中已度身訂造『冇衫着』嘅八爪魚角色自己演，呢個角色好特別，可以全程『冇衫冇褲』着喺片場橫行，點知畀羅志祥知道後仲搶埋個角色，問佢係咪得，佢仲好堅定咁話得。」

轉演悲劇人物

他澄清從沒想過不演，只要有好角色就會再演：「再演下一個角色都不會是搞笑，好似『八爪魚』一角，其實係一個悲劇人物。」他指新一任「星女郎」內地新人林允是一個很有氣質的女仔，與前「星女郎」張雨綺個性不同，各具特色。

擔任導演的周星馳在片場上解決過不少難題，其中一場冬天拍攝的落水戲，令很多演員都病了，唯獨骨骼精奇的羅志祥冇事，周星馳說：「最後特別買咗一個儀器將水池水加熱拍攝，但令劇組額外支出。」但羅志祥笑說：「器材到的時候已拍攝到差不多尾聲，不過，明白訂器材需時，周星馳已經盡了所能，感謝他。」今年賀歲電影集合了周潤發和郭富城的作品「夾攻」，周星馳坦言「冇有怕」：「我冇諗勝負問題，只希望觀眾喜歡，呢個先係最重要。」

小豬包場冧女友

問到演「八爪魚」最難的地方？羅志祥說：「冇衫着不是最大問題，水太凍才是問題，曾試過凍到胸口痛。另外，要演活一條八爪魚有一定難度，演得不理想會很沮喪。」再問到會否包場請女友及家人入場欣賞其演出？他笑說：「一定會，這是一部很好的電影。」

文：影視組