蔡思貝及袁偉豪等前晚於旺角出席無綫劇集《鐵馬戰車》首播飯局，期間思貝自爆在外國留學踩單車時曾被的士撞：「撞到擦傷同撞瘀。（香港未試過？）我攞牌冇耐，試過揸車擦花架車，仲試過朝早開工就撞凹車門。」問到可會找緋聞男友麥秋成「補鐘」學車？她說：「唔會，我都係車手，我花名叫『賽車貝』，試過載賴慰玲由將軍澳去九龍城用咗兩個鐘！」提到師傅黃秋生兒子於外國炒車，她表示有發短訊慰問。而袁偉豪被問到會否怕與有「發電機」之稱的思貝傳緋聞？他即隔空冧爆女友岑杏賢：「唔驚，因為我都係發電機，Hold住電力留畀另一半。」

蔡思貝和袁偉豪等演員約埋一齊睇首播，非常熱鬧！