《2016國際中華小姐競選》14位候選佳麗昨晚首度會見評判，評判之一的陳凱琳谷胸上陣，問到早前與男友鄭嘉穎旅行時有否同房，她即害羞迴避：「咪問呢啲尷尬問題啦！」

Grace透露早已畀嘉穎超高分數，甜蜜到呢！

早前Grace與嘉穎外遊後齊齊返港。

獲師姐寄予厚望的(3)麥明詩自覺壓力甚大！

(9)陳舒菲（左）搞鬼地發射心心，令(10)鄭雅文哭笑不得！

(12)欒添回答問題時信心十足。

14位佳麗悉心打扮見評判團。

本周六（23日）舉行的《2016國際中華小姐競選》昨晚安排14位候選佳麗首次會見評判團及司儀，並接受大會司儀鄭丹瑞及黎芷珊的口才考驗。前港姐冠軍陳凱琳（Grace）及前港姐季軍莊思明等亦有出任「華麗評判團」，與一眾佳麗分享選美心得。

父母批准二人世界

Grace昨晚穿上一襲桃紅色低胸連身裙，成為全場焦點。提到早前被拍到與男友鄭嘉穎在機場甜蜜拖手返港，她大方地說：「特登請幾日假去越南旅行，享受陽光與海灘。（感情邁進一大步？）依然好好，相處得好好，加上去旅行心情又再放鬆啲！」問到兩人是否同房？她即迴避問題：「咪問呢啲尷尬問題啦！（視嘉穎為結婚對象？）我哋相處得好舒服好開心！（去完旅行有加分？）已經好高分！」又透露父母知情，而且不介意兩人結伴旅行。

麥明詩主場壓力大

至於佳麗之中，代表香港的(3)麥明詩佔主場之利，但她自覺壓力倍增：「有啲緊張！呢度個個師姐望住我，令我好大壓力！（評判對你呢個香港代表鬆手啲？）我覺得佢哋會對我更嚴厲就真！」反而人稱「野性麗緹」、來自悉尼的(12)欒添最有自信，問到致勝原因時，她淡定回答：「我好上進，而且我喺身形同各方面都比較平均！」而來自江蘇的(4)巫雪菲的對答也令人印象深刻，問到有否信心奪「友誼小姐」時，她以普通話說：「很有可能！因為內地和香港的關係愈來愈好。」而莊思明則透露(3)麥明詩、(5)鍾素敏及(14)朱亞琳均是她的心水佳麗！

採：影視組

文：專案組