藝人阮小儀與金剛主演的無綫新劇《愛情食物鏈》收視報捷，最高達29點，昨日兩人齊齊宣傳，小儀笑指觀眾想看她穿T-back才谷收視。另外，對於被本報拍到與老外聊天，小儀澄清只是撩狗。

小儀和金剛預備了不少禮物，向長者拜個早年！

小儀離開店舖時，與門旁的外籍人士傾到四萬咁口！

《愛》劇一眾台前幕後齊齊慶祝收視報捷。

陳智燊開心Chok甫，高Ling則舉V賣萌！

藝人阮小儀、金剛、高海寧（高Ling）及陳智燊等昨日宣傳無綫新劇《愛情食物鏈》，與長者大玩遊戲，惟小儀扮演雞蛋時卻被猜成大便，全場爆笑！大會亦即場宣布該劇最高收視達29點！小儀透露正要求監製徐正康開續集，她提到早前曾許下承諾，若收視達45點便會穿T-back，笑言觀眾欲看她「找數」才捧場，問到會否操Fit身形？身旁的金剛即說：「就係Original咁先好睇！唔使特別操！」

高Ling美國食到肥

談到前晚被本報拍到於食店與一名外籍男食客閒聊，小儀說：「係我哋撩仔，因為佢拎住隻狗好得意，所以係撩狗先啱。（渴唔渴仔？）唔渴，有就梗係要！冇都唔使特別要。」而高Ling透露早前到美國小休一個月期間報讀短期演藝課程：「嗰邊都係食Burger，呢排又做飲食節目，之前生日又食飯，所以肥咗，之後會跑步同做Gym！」另外，小儀昨日在電台訪問透露去年三月至八月一直忙於拍攝節目《街坊廚神》：「攰到粉都上唔到。」

《無心》結局最高26點

此外，無綫上周日節目收視不俗，外購劇《無心法師》大結局平均25點，最高26點，《Sunday好戲王》首播平均25點，最高28點。

文：影視組