陳明恩昨日出席《第47屆香港時裝節秋冬系列》,早前宣布與男友Eddy訂婚的她表示,今年底或明年初在港舉行婚禮:「我想低調,想以西式舉行,鍾意室外。」她還自爆公開求婚經過:「好多朋友拎住卡仔同氣球,我行入個公園,裏面有用蠟燭砌成『I LOVE YOU』,朋友排成『MARRY ME』,好浪漫!(有冇喊?)有,好感動!佢好有Heart!睇得出佢好愛我!(婚後造人?)二人世界享受咗先,小朋友一定想要。」

何嘉莉希望生BB讓兒子有個伴。

陳明恩晒鑽戒,並籌備在港舉行西式室外婚禮。

盧巧音與老公Sammy結伴到場。

前來撐友人場的周家蔚,自嘲沒有時裝Sense。

去年低調下嫁機師男友Gerald的何嘉莉表示,沒有刻意度蜜月,問到是否再婚故一切從簡?她說:「其實第一次都好低調,一張相都冇影過,但結婚係開心事,既然大家都嚟到就出嚟影相。」至於會否再造人?她坦言希望兒子有個伴:「囝囝都成日講,大佬唔易做!(囝囝習慣新家庭?)OK,一向相處都OK。」

另一邊廂,歌手盧巧音(Candy)與老公樂隊Kolor主音Sammy結伴到場,問到會否以夫妻檔陣容搵銀?Candy說:「冇諗過,佢哋有自己隊Band,如果出呢招,第日要靠生B先得喎!」二人均表示暫未有生B計劃,Candy笑說:「玩住人哋嗰啲先。」

而周家蔚來撐好友場,自嘲無時裝Sense的她早前與一班時裝界人士去緬甸,認識了當地知名的Blogger,雖然她對時裝冇大興趣,但會嘗試接觸。