對於黃秋生大仔在美國遇車禍，馬詩慧女兒王麗嘉及上山詩鈉女兒Hilary均在美國讀書，兩人被問到女兒身在外國會否提醒她們小心揸車，馬詩慧說：「小心就日日都有叮囑佢哋，揸車喺嗰邊好普遍，係恒常嘅嘢，又唔會唔畀，但一定唔可以飲酒揸車。（每日都要女兒報平安？）會每日同佢傾電話、WhatsApp。」而上山詩鈉表示美國揸車很危險：「好彩佢冇車牌，亦唔會畀佢考住，之前講咗唔可以喺當地揸車。（每日一電？）咁又唔使日日傾電話，但最少每日會WhatsApp，阿女有任何事發生都會同我講。」苗僑偉則說：「小朋友揸車當然要小心，我哋唔擔心得咁多，就算喺香港都會有意外。（一日打幾次電話畀仔女？）佢哋咁大個人，我都做過廿歲，一星期打幾次啦！其實交通安全要由細講到大，由佢哋未有車牌同坐我架車側邊都已經日日教，惟有小心啲！有時唔係你撞人，係人哋撞你！（三嫂都擔心？）做父母當然關心小朋友！」

上山詩鈉認為美國揸車很危險，故暫時禁止女兒Hilary考車牌。