蘇玉華近日與黃秋生忙於為舞台劇綵排及演出,對於秋生兒子黃一一在美國發生車禍,蘇玉華表示秋生亦有向她提及,並指當時秋生知道消息後既緊張又擔心:「大家都明白佢心情,佢個心想飛過去,但因為要準備演出而去唔到!」她又透露秋生的太太到了當地亦有致電回港:「佢哋要為囝囝安排醫院、學校啲事,我哋全部都擔心佢,今次亦見到秋生柔情一面。」她又指秋生雖受困擾,但仍專心綵排,並沒影響工作:「我哋都擔心佢個仔嘅情況,佢囝囝又高大又靚仔,又識好多樂器,發生車禍真係令人擔心,希望佢早日康復!」

蘇玉華希望秋生的兒子早日康復。