韓國男團VIXX隊長N昨午獨自到觀塘apm出席迎新春活動，逾300名粉絲到場支持。他與粉絲一齊搓湯圓後又互餵湯圓，更以普通話獻唱周杰倫金曲《星晴》，冧到爆！

新鴻基發展（中國）董事馮秀炎向N送上猴年揮春。

有N攬到實一實，令幸運歌迷心花怒放！

N捉實Fans手仔搓湯圓，其後又互相餵食，出盡冧招！

曾演出韓劇《無理的前進》的韓國男團VIXX隊長N昨午獨自於觀塘apm出席《潮猴躍動迎新春》揭幕禮，與港迷提早慶祝農曆新年。今次是VIXX第三度來港會歌迷，而N是首次單獨來港出席活動，吸引逾300名粉絲圍觀。

共用匙羹餵湯圓

N甫登場即引來全場粉絲尖叫，他識做地以廣東話問好：「大家好！我係VIXX嘅N。」隨即與新鴻基發展（中國）董事馮秀炎小姐一同為活動揭幕，馮秀炎與N互贈紀念品，並到商場的新春裝飾合照。N很高興見到這麼多歌迷支持，並以廣東話講「多謝」。他透露韓國與香港過新年時，一樣是與家人一起過，但韓國吃年糕湯，香港則吃湯圓。其後N與幸運粉絲一起玩遊戲，期間主動握着粉絲的手一起搓湯圓，之後更共用同一隻匙羹互餵湯圓。接着N除親自為粉絲畫肖像外，又與另一粉絲抱抱，並與最後一位粉絲牽手打鼓，再獻唱兩首情歌，更以標準普通話唱周杰倫金曲《星晴》，最後祝大家新年快樂，並以廣東話講「恭喜發財」。

下次挑戰廣東歌

N受訪時表示花了約兩星期練習《星晴》，更揚言下次會試唱廣東歌。提到前一日抵港時情況混亂，他表示很驚訝見到這麼多粉絲，又讚香港粉絲積極兼熱情。再問到如果被女粉絲要求錫錫會有何反應？他即大笑表示擔心其他粉絲會呷醋。而大會拒絕記者發問有關近日女團TWICE成員子瑜「台獨風波」的敏感問題。

文：外娛組