許廷鏗（Alfred）昨日出席迎接新春揭幕禮，問到何時收爐休息？他說：「真正踏入新年就收爐，將工作排晒喺新年前，但最後係倒數活動，所以做到年廿九最後一分鐘。」他透露小時候的新年都會早起幫手整年糕等，然而出道後忙於工作，至年初一只想睡晚一點補眠。談到新年願望，他笑言仍希望食極唔肥，皆因怕太胖的話着衫會難看：「近排都有做運動同食得節制，新年都唔想話肥上加肥，盡量之前減少少之後放鬆咁食。」

許廷鏗將「食極唔肥」的新年願望寫出來。

此外，他盼望今年再舉行個唱，問到是否想攻紅館？他說：「唔心急，要有信心同Handle到，或者練新嘢令粉絲有新鮮感先踏上會好啲同踏得實在啲。」