周秀娜（Chrissie）在網劇中與台灣男星辰亦儒合作，她化身女拳手輕鬆打敗大隻佬，並笑言演動作戲演上癮。反觀辰亦儒在劇中經常幫倒忙，Chrissie笑言應安排對方多些表現機會：「其實辰亦儒咁好身形，應該喺Outdoor騷吓肌肉，佢淨係Indoor客廳時候先騷六舊腹肌，真係浪費！」

Chrissie瞓在辰亦儒身上咀嘴，又化身女拳手踢腿。

Chrissie與辰亦儒有不少埋身肉搏戲份，場面香艷。談起首場咀嘴戲，她笑說：「大家識得幾日，都有啲尷尬，我要成個人瞓喺佢個身度，跌低然後咀佢，要對啱個位。我覺得自己好似好猴擒咁，成個趴落佢度錫到佢，同埋尷尬嘅地方係呢啲咀戲唔係一Take過，拍吓佢又拍吓我，試咗唔同嘅角度，係360度錫勻，佢都幾好咀，哈哈！」