溫碧霞（Irene）、譚耀文與方皓玟等昨日宣傳新片《愛在深秋》，Irene透露內地觀眾對該片反應不俗，問到擔任監製的她會否開拍續集？Irene表示要再看反應：「都有構思其他古仔，觀眾鍾意睇愛情古仔，所以都想嘗試拍黑色幽默同親情愛情嘢。」談到有意投資北京商廈，Irene表示仍在物色當中：「嗰度只係放租，投資得就梗係買最好，所以想搵好嘅地點。（投資其他地方？）順其自然。」而阿譚則笑言未有在內地投資：「要投資都投資電影先啦！不過要用好多錢，等我養大啲仔女先，依家搵十蚊都係拎一蚊用，冇就問老婆拎。」

Irene有意投資內地商廈，阿譚則未有打算。