昨日舉行的馬拉松賽事因天雨路滑，令不少選手不慎受傷，樂隊Mr.成員Dash（譚健文）亦負傷完成半馬賽事，行路時更一拐一拐，狀甚痛苦！他指賽前練跑時已發現腳傷，比賽期間為避開人群，不慎踩落水氹而扭傷：「我跑咗兩公里就開始痛，去到九龍站附近仲落大雨濕晒，唔跑就凍，跑就痛，但我嘅目標係一定要過咗西隧先停，最後捱到18公里，跑到中環碼頭就頂唔順，彈吓、跳吓、拖吓咁返嚟。」

AGA開跑時非常興奮，其後拉傷左腳的她仍堅持完成賽事。

Dash賽事途中不慎傷腳，見其樣子都知有幾痛！

而挑戰10K的AGA（江海迦）亦在比賽期間拉傷左腳：「今日拉傷左腳，以為會冇咩事可以撐到終點，但跑到3K時已經開始痛，加上今日好大雨，臨尾只好拐吓拐吓勉強完成賽事，所以時間未如理想。」