年度盛事渣打馬拉松，近年已成為不少藝人的跑步見證，可惜昨日天公不作美落大雨，令參賽的雨僑、陳嘉桓及胡定欣等靚女慘變「落湯雞」，而陳山聰、定欣及胡諾言比賽後更發放「尋人啟事」，指與參賽的謝東閔失去聯絡，笑言擔心他被雨水沖走！ 採：音樂組、影視組　文：專案組

Rose表示因落雨關係，看到地上留有不少「鞋底」。

一眾參賽藝人準備出發。

陳山聰和胡諾言賽後與謝東閔失去聯絡，笑言擔心他被雨水沖走。

年度盛事的渣打馬拉松賽事昨日舉行，可惜天公不作美，全程都在雨中作賽，令參賽者跑得甚為吃力，當中有份參賽的雨僑（Ava）、陳嘉桓（Rose）及胡定欣雖慘變「落湯雞」，但仍勇往直前完成賽事。今年處女參賽的視后胡定欣挑戰10公里（10K）賽事，不時做運動的她，跑10公里完全冇難度，最後衝刺時更於網上「開心Share」，雖然定欣素顏上陣，但仍獲網友大讚天生麗質。

而陳嘉桓亦同樣參加10K賽事，今年第二年出戰的她坦言成績比去年慢：「今次大概個半鐘多啲。」又笑言因落大雨關係，濕得像吸水海綿：「好多斜路，對鞋吸晒水好重，但完成到就OK。見到地下有好多甩咗嘅鞋底，咩鞋底都有，幾搞笑！」

Crystal即食麵累事

至於雨僑則首次參加半馬賽事，順利完成的她非常貪靚，立刻補上唇彩才接受訪問，她透露今次以2小時54分鐘完成，更表示賽前膝頭已受傷：「我從未參加過呢啲比賽，早兩個月我最多淨係跑到10公里，直至呢兩個星期我都冇跑超過6公里，因為我傷咗膝頭。頭先我去到6、7公里，個膝頭已經捱緊，但一路捱住返嚟就覺得我可以完成嘅！」提到比賽期間落大雨，Ava笑言跑到眼都盲：「啲雨係咁打落我眼球，喺彌敦道同入西隧前好大雨，雨褸除完又着，我全身濕晒，底衫同襪都濕埋。」而去年不慎「拗柴」的張紋嘉（Crystal）自爆比賽時聞到即食麵味，去年以1小時9分鐘完成的她，今年慢了1分鐘完成賽事。

陳山聰登啟事尋人

另外，一向是跑步健兒的陳山聰亦參賽，已是第三年參賽的他表示今年最舒服：「我跑咗3個鐘30幾分鐘，上年跑3個鐘54分鐘，快過呢個成績都已經開心到癲。（唔落雨會再好啲？）我覺得唔會爭好遠，今年係第一年跑彌敦道，某程度上人多咗，頭一公里塞得好緊要。」事後他竟在微博聯同「Crazy Runners」成員定欣及胡諾言發放「尋人啟事」，指與有份參加比賽的謝東閔失去聯絡，又笑言擔心他被雨水沖走！