宣萱、謝雪心及吳國敬昨日帶同愛犬出席狗狗領養嘉年華，與市民分享養狗樂趣。愛心爆棚的宣萱表示曾經歷九次寵物逝世，能克服傷痛，因此會繼續領養寵物，現時家中有三狗兩貓：「我會一直養，我宗旨係走一隻，養一隻。」她透露兩年前收養的黑色唐狗，當時牠六歲，現時八歲，認為飼養中年狗隻並非大家想像中困難：「好多人以為狗隻由細開始易教啲，其實唔係，我隻中年狗好乖，好似識聽人講嘢咁，佢好似知道跟着我就有使命，要做大使幫啲同類咁。（捧佢做狗明星？）咁又唔會，但會帶佢出席呢類活動。（養中年狗有咩要注意？）主要係經濟問題，因為中年狗始終多啲病痛。」

謝雪心（右起）、宣萱及吳國敬帶同愛犬出席狗狗領養嘉年華。