陳嘉桓昨日出席動漫活動，穿低胸短裙的她大晒長腿。受訪時談到Cosplay，她表示為切合活動主題而Cosplay到場：「我戴咗大眼仔！」又表示雖然未認真玩過Cosplay，但若要玩便會化妝令皮膚更白：「因為好多角色皮膚都好白。（想Cosplay乜？）想扮《進擊的巨人》中嘅巨人，件貼身肌肉衫好搞笑，但要再操弗啲先得，因為個Look展現晒身材出嚟。」她笑言不擔心造型嚇走粉絲：「我係打女，有筋肉嘅話個Feel會勁啲！」問到會否找個筋肉男友，她笑言要等夏天，因為男生冬天穿厚衫難騷身材。至於工作，她透露將與其他同門藝人到內地拍攝公司投資的網劇：「一啲要打一啲唔使打，我見佢哋都傾緊唔同範疇嘅古仔。」

希望Cosplay「巨人」的陳嘉桓不擔心造型嚇走粉絲。